小薯茄成員吳冰（阿冰）胞妹吳泳被爆跟新婚人夫有染，遭疑為網紅健身教練William的老婆「FaFa Tse」在社交平台連環發文，並標記吳冰的ig帳號爆料，及一張半裸女趴睡沒見樣照，標題：「我老公偷食小薯茄泳泳」、「同小薯茄。阿冰個妹搞野（嘢），今次第3次，俾我捉姦衫都無著」。

隨後小薯茄發聲明回應，稱泳泳（吳泳）並非公司成員。有關事件回應已經在小薯茄社交平台作統一的回應。小薯茄又指基於事件不牽涉本公司成員，以及涉及他人私隱，他們今後將不會對事件作任何回應，謝謝大家關心和體諒。

「FaFa Tse」與William去年11月才結婚，「FaFa Tse」的連環發文包括片段及對話截圖等，並分別寫上：「背妻偷食，斷正，渣男老公，小三吳泳」、「其實我真係唔再適合佢，因為我唔再有新鮮感俾到佢」、「我只希望唔好有下個學生Flirting PT同偷食。#有老婆情況下 #壞咗嘅人 #再也不見 親眼見到我真係崩潰，全身震晒就快要暈」等。除了半裸女照，「FaFa Tse」上載影片，還見到辦公室內全是衣服，她準備上樓梯，有名男子現身，片中右上角亦有一女子表現閃縮，疑為兩位當事人。

「FaFa Tse」今早再發文整合事件：「我11點同朋友house warming完，打算返去我哋嘅健身室踩機，去到門口禁（撳）鐘（我平常懶用鎖匙），等咗好耐無人開，聽到佢由閣樓跑落嚟，開門一刻啱啱著緊衫。

本身佢話Fu哥肥man上緊堂，我問人呢？嗰刻我未feel到，直到佢唞大氣唔出聲，樓梯有條無著嘅女裝褲，我問上面係咪有人？佢話：泳泳同肥man唔好上去啦。我問：點解？佢話：佢哋high咗大X。我話：點會啊！佢哋二個一定唔會（其實你點解要連累人？）佢話：唔好上去。唔好做任何嘢，我哋未做，未開始。」

「FaFa Tse」續寫道：「我而家打字都仲手震，全個身都震，你目睹心愛嘅人同另一個女人裸體瞓喺到，仲要講句：未開始，個感覺難受過食屎。期間我問William：發生咗幾多次。第幾次呃我？佢話：未開始。我話：到呢刻仲講大話？佢話：3次 #期間小三喺我哋側邊裸體繼續瞓」。

「FaFa Tse」收到好多DM慰問，她感謝表示：「感謝你哋，幫我鬧賤男幫我爭返啖氣。我真係好無助好崩潰，當中好多內情我唔敢公開。」